.
.
.
كل مافي الأمر ليل
ماعرف وجه الصباح
لاسقيته أي سيل
قال مافيني مزاح
قلت ماعندك سبيل
قال ماعندي وصاح
قلت هونها قليل
لاتجاوب بالرماح
قال دور لك دليل
قلت ياشين الضواح
أنت علة في عليل
وانت ترتيب الجراح
قال أنا ليلٍ يشيل
كل ماحطت رياح
قلت والله ماتعيل
غير مجروح النواح
بشعل بحضنك فتيل
وانت تحسبها وشاح
والله اني لك خليل
من سوادك في اجتياح
خذ من علومي صهيل
ولا تحسب أنك جناح
كل كلك : بعض ليل
وكل كلي .. شي مباح ..!
.
.
.