[سعد مسهوج]

السلام عليكم ورحمة الله وبركاته ..


يشرفني الانضمام لهذه الكوكبة الرائعه ..



وان شاءالله اكون عند حسن الظن..



وهذه مصافحة اولى لقلوبكم الطاهرة ..

..........................................




[POEM="font="Simplified Arabic,5,black,normal,normal" bkcolor="transparent" bkimage="" border="double,4,darkred" type=2 line=0 align=center use=ex num="0,black""]
حسبت ان الطريق اللي بعدنـي عنـك يدنينـي=وحسبت ان القلوب اللي هوت بالحـب خفاقـه

وحسبت ان الزمن يعطي ولكن كيف يعطينـي=وحسبت ان الصبر يبقى وانا ادري للصبر طاقه

تجاهلت الحياة لجلك .. ولجـل انـك تحبينـي=وتعلمت السهر بـدري واعـد نجـوم براقـه

طويت ايامي الصلفة ونسيت همـوم تطرينـي=وتحمل قلبي جروحه وحبك تجـرح اشواقـه

تمنيت الغـلا ساعـه وساعـه مـدة سنينـي=وتمنيت الهوا لحظة وتـذوب بلحظـة عناقـه

تمنيت الحنـان اللـي يثـور وتذرفـه عينـي=يريّح خافقـي فينـي وتنـام عيـون مشتاقـه

صبرت ولا لقيت الا الامانـي بينـك وبينـي=وبقايا احلام منثـورة تسطـر باقـي اوراقـه

تعبني هاجس الذكرى واظـن انـك نسيتينـي=عساها تكذب ظنونـي ونـار الظـن حراقـه

حبيبي كم بكت عيني على جرحـي تواسينـي=مالوم العين يـا قلبـي وحبـك يذبـح فراقـه

يهون البعد لـو طـول مـدام انـك تحبينـي=ويهون الجرح يا حبي ويهون الليـل وارهاقـه [/POEM]

اخوكم


سعد مسهوج