[عبدالعزيز سحل]

اخواني ادارة واعضاء ابعاد الادبية اهدي لكم هذه المتواضعة,,,,,
لازلت اتذكر بقايا اشلاء منتثره لطفله ظلمها اقرب الناس ولم ينصفها العالم اجمع
انصفوها بتعاطفهم وشعورهم بالحسره عندما شاهدوها حطام وبقايا انسان فقد معالمه
ربما يضن البعض ان هذه قصة من نسج الخيال ولكنها مع الاسف الشديد
واقعيه رئيتها بأم عيني , وجوه خيم عليها الصمت ودموع ذرفت رغم انف اصحابها
اطلقت الصرخه الاولى ووجدت العتاب والمعارضه من ؟؟؟؟؟؟؟؟؟؟
واطلقها مره ثانيه , لانها اصبحت قضية مجتمع بأسره ولامجال للمجاملات
شاء من شاء وابى من ابى[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]طوح بي الدمع في دوامـة العبـره=سكبته بصمت لكـن بـان تأثيـره
مسحت دمعي وفجأه بانـت النبـره=واطلقت صوتي عسى بإطلالته خيره
الذل ميت وجيتك واطـيٍ قبـره=ابلعن الخوف لو كثـرت جماهيـره
ابحرق الطرس لين يخالطه حبـره=ابقتل الحرف واستأسـر هواميـره
ياسيد الجـرح لاتزعـل ولا تشـره=اللي بقلبي صراحه صغت تصويـره
الطفلة اللي بقايـا اشـلاء منتثـره=صحت بقلبي بقايا نزعـة الغيـره
الله على قلبها المذبـوح ياصبـره=كيف يتحمل عذابٍ صعب تفسيره
هذي عليها كبيـره لسعـة الابـره=وشلون تحمل جريمة نفس شريـره
ماتت ومات الشموخ بلعنت الكبـره=ماتت وماتت سؤال صعب تكفيـره
اعزي القلب والقلب انكسـر جبـره=كني اعزي طفل ماتـت عصافيـره
ياسيد الجـرح ياشينـه وياكبـره=تفجـر الـدم وارتفعـت نوافيـره
خذها نصيحه ولا تسأل عن الدبـره=يجيك معها سؤال وتنفتـح سيـره
حكم المقادير ماتنفـع بـه الخبـره=وش سوت دموع هند لسيّد الحيـره
بالقلب مأساه منهـا نأخـذ العبـره=لازم نصحح بعين العقـل تصويـره
لان الانسان لو يولد علـى الفطـره=يزوره ابليس بأيقاعـت مزاميـره
[/POEM]