[محمد السالم]

[POEM="font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ألا يالله تجازي الرّاحلين وثورة الأوجاع = أداريها منين ولا دري حتى تجيّ منين!

يحثون المطايا في المسير وتستشف القاع = وانا رقب في رجم حزني واصوت وينكم غادين؟

يغوص الناب في كفي بعد ما عقب الأصباع! = طقوس تعتريني هكذا معرف لها تبيين!

تخالط في ضلوعي حس عطش ردها القراع = على مشرع لئيم مايوردها على دلوين

أخايل في رحايلهم وهي تنحي مع المفراع = تهادا ماتعوج ارقابها في ساقة المقفين

تصاغر بي جهات الأرض وامقتهن وهن وساع = اصوت للسعة ونبح صوتي والسعة ماتبين!

يجاوبني قنيب يحرس عياله وهن جياع = تعدوه الشواوي وابعدوا عنه وهم حذرين

تلج ضلوع صدره من صغاره والسباع سباع = تحامى عن محارمها وهاذي عادة الشرهين

تعديته أبادل في خُطا دربي وهن اسراع = إلى ضلعٍ تغنا في فضا راسه غراب البين

يلوح البرق في صدرٍ غدا لرياحهم مطواع = تكسر به قنيف وترجمة وضعه محاجر عين

تثنا في يدي رمح قنيته عادني فزاع = تعثر بي جوادي واعتذرت الهم وهم مخطين

تهب النود واستصغي لها كلي رهف وسماع = واحس انهم معاها يبخلوا عني وهم دارين!

ألا يا نود زفي ؛ في صفيرك بلسم الملتاع = مامثلك يجهل اوجاعي ويجهل حاجتي تكفين!

تزعزع بي يقيني لين قدني للودع تباع = أبحث في فناجين الطوالع والعن التخمين[/POEM]