[فيصل الباهلي]

من يرى نفسه حين يكون في منصب ما فاعلم أن المنصب فوقه


[BLINK]رســـالة[/BLINK]


ـــــ
ـــ
ـــــ
ـــ
ـــــ

,
,

ماهوب واجب بالوجاهة تأديه
. . . . إنك تذل الناس ماهي زعامة

,

قدرك بطيبك والتواضع تربيه
. . . . يكبر وتكبر والجمالة شهامة

,


والواجبة ماتفرق الرجل ياهيه
. . . . العز للي صام شهره وقامه

,

كل ٍ على قده من القدر نعطيه
. . . . أحد ٍ ضفر بالجنب واحد ٍ سنامه

,

قصرك مشيّد وانت بالطيب بانيه
. . . . واللي مثل شرواك عالي مقامه

,

ماودي إنه ينهدم من حكاويه
. . . . وانت بعيوني شخص شامخ وهامه

,

لولاك عاقل مانسوق المشاريه
. . . . ولولاك فاهم ماتجيك المـلامة

,

من يسمع هروج الرذيل ويماشيه
. . . . يقـل قـدره لين يفنى احترامـه

,

ومن لاتعلم من خطاه بتماديه
. . . . يرّث على نفسه كلام وندامـه

,

ماكل جرح ٍ بالحسايف نداويه
. . . . كم واحد ٍ أعدم كيانه كلامـه

,

كل شي يزعل من جنابك نعديه
. . . . إلا احتقاري لو دمحته رخامـة

,

لاتحتقرني في كلام المسافيه
. . . . رجال أنا محسوب عندي كرامة

,



,

,

,


لولاك عاقل مانسوق المشاريه
. . . . ولولاك فاهم ماتجيك المـلامة
.
.

فيصل بن سبيّل