مساؤكم ورد ..
متواضعة .. أصافحكم بها بعد غياب
’
’
الـقـلـب .. في مركـب غـرق
والمشكـلـه .. قـبـل الغـرق ..
من كـثـر شـوقـه انـتـظـر ..
ثم انـتـظـر ..
ثم احـتـرق ..!!
ذي قـصـتي ...
صـوره على صـدر الـورق
عـنـوانـها " وحـشـتـني "
ماتـصـدق بـ "وحـشـتـني" ؟؟!!
ياخـي تراك ابلـشـتـني !!
واللــَه لو فـتـشـتـني ..
ماراح تـلـقـى غـيـرها
[ وحـشـتـني ]
" وحـشـه نـتـايـجـهـا أرق "
’
’
’
بـدايــة إحساس .. :
ماهمني لو عاذلي ماحسّ بي
..................... يكفيني ان اللي كتبت احسّ به
:
:
[[ بـَــرد .. و حـنـيـــن ..!!! ]]
:
:
دامـهـا تـجـمـّعـَـت بـرد وحـنـيـن
يـبـطـي الـمـشـتـاق ماذاق الـدفـا
اللـه اكـبـر يـوم سـالـت دمعـتـين
من عـيـون اللي مْـعـَذبــْه الـجـفا
تنعـكس فيـهـا معـانـاة الـحــزين
في زمـن شـَـح الـحـبـايب بالـوفا
تجـربـه من بـعـدهـا عنـدي يقـين
لو يطـول الـلـيـل جفـنـي ماغـفـا
ونــة ٍ بالصـمـت في صمـت الأنين
تـثـبـت ان الـشـوق باقـي ماطـفى
يشـتعـل وبْـداخل احسـاسي يبـين
واضـح ٍ لـو غـاب مـده واخـتـفـى
والله ان الـوقـت قـاسـي ما يلـيـن
لأكثر الـعـشـاق.. لـو لان الـصفـا
آآهـ من ذكـرى تعـدّت من سـنـين
يـوم يصـفـي جـوّ ليتـه ماصفى..!!
آآهـ منهـا لاطرَت لي كـل حـيـن
تـنـصـدم في قـلـب جـاه اللي كفا
آآهـ منهـا.. وااهـ من حـب ٍ دفين
آآهـ منهـا .. وااهـ من هـم ٍ خـفا
روحيْ يْالـذكـرى.. أمانـه لاتجـين
دامنـي سهـران باحـسـاس الجـفا
ذي وصيـه وان بغـيـتي ترجعـين
ارحمي مشتـاق .. ماذاق الـدفا ..!!
’
نايف الرحيمي ...
’
’