مدري كيف مرت سنه؟
وافترقنا...
وصار هالعالم
مدينة تضمّنا
واسمنا كنا حبايب
وافترقنا...
لاعاد تسمعنا..
ولاتسمع بنا .. !!
البارحه..مريت صدفه ..!!
الرصيف اللي يودي لبيتنا
ماجف نزفه ..!!!
البارحه..كني تخيلتك هناك ..!
نفس المكان يلمّنا
نفس العتاب
نفس العذاب
نفس الوجيه اللي تمرّ بجنبنا
وماغير انا..وانت ..
وانا .. !!
البارحه..محدٍ علشاني بكى ..
حتى انا ..!!
مات من كثر السوالف (صدقنا)
مات في دمي هواك
ليلة تمادينا وضيّعتك سنه..!!
وكان السؤال اللي يشكل موتنا
ليه رجعنا ؟؟
بعدما لوّن غيابك دربنا ..!!
ليه رجعنا؟؟
والكلام اللي يبس بحلوقنا
من سنه..
كانت يديني تنطره
وكانت عيوني تمطره
من سنه..
يطيح في كفي (بعادك)واحضنه ..!!
واسمنا كنا حبايب وافترقنا
لاعاد تسمعنا..!!
ولاتسمع بنا..!!