[خالد الداودي]

[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/26.gif" border="none,4,gray" type=1 line=0 align=center use=ex num="0,black""]قومي إشرقي للْصبح بوْقظ في شوارعك الُمدن =واطفـال تقطع للمدارس خطوة الميل الطـويل
وجـه الصباح ان ما تنفّس فيك يغتاظ الحسن=ويغيب مع شرفة خيالي خلف حيطـانك واشيل
آخر همومي للمسـاء واشّق من ثوب الحزن =معطف قصيـده يستبيـح البرد والليل الهزيل
شوفي هنا:/ مع سطْوة الانفاس وقفت الزمن=شاعر يمارس في وقوفه كذبة شموخ النخيل
يا متْرفـه كل الخطى مرّن وبأعتـابي وقفْن =ما قد سألت اليوم من طّول على باب الجميل
استَمْهِلك عْذر وعجاف العمر ما شافت وسْن =قولي متى واقنِع ضفاف الحلم بالصبْر القليل
أخذْتي من طيني حنان الارض وايْنَعْتي غصن=شـح بظلاله وارتمى للقيض بعـد السلسبيل
أدري تعبْني النزف لكني شكـرت اللي طعـن=وآثرت موتي فوق تلّ الصدق قرب المستحيل
هاتي لي اوراق القصـايد ما تبيهـا لي كفن؟=نويت اواريهـا معي شاعر يراودني الرحيـل
انْ ما بكتْني في ثراك الغيـم وعيـون الوطن=لا تفتحي الشّباك تبْكي سدرة الوادي الظليل
هذا وْرسَمتْك للوعي جدْران من صمتي حكَنْ=لا تسأليهن يوم عن ظلٍ بلا غصن وهـديل
قومي اشْرقي بطفي لك الصبح وشوارع هالمدن=ماعدْت لك غرفـه ولا شرفـه ولا قنـديل ليل[/POEM]