[سالم الراشدي]

ندم

كل العمار اللي انبنى في وسط قلبي

ساعة الفرقى

انهدم


مــ أقسى الندم

لاجت جروحك من
أعز الناس
ماجت من

عدم .. !


لاقالها قلبك لها ، أنه .. لها
وهي قلبـها عنّك ..
لهى

وش حيلتك ياكود
نزفك
للمدامع
دم

دم

.. !

[POEM="font="Simplified Arabic,5,brown,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]من اول ماوطت رجلي على دربك وانا محتـار=منين اجيب لي قلبٍ يصبّرني , ويظـفـر بـك



من اول مـ احضنت عينك عيوني وابتدى المشوار=كأني منخلق لجلك ، كأني بس شــاعر بـك



بدينا ، وابتدت معنا حِكايـة عاشقَيـن ْصغـار=طفل عايش على نسمة هواك ومقتِفي قربـك



نحَسْب أنّ الهوى لعبة ، نقول انّا لهـا شطّـار=وتسقيني ( دفاك ) ومِهتني قلبي على شُربـك



جمالك من صغر سنّك ، أوصف كيف ياستّـار=معاني الذوق والرقّه لحالك بس تبحـر بـك



عيونك جيش لايقهر ، ورمشك فارس ٍ مغوار=وانا ، ما بِي مناعات تقاوم جيشك وحربـك



تسل السيـف تطعنّي بصدري ( آآه ياغدّار)=وانا أشّر هنا باقي ، مكان ٍ يحتمل ضربـك



هنا باقي ، هنا باقي ، هنا باقي ، وإِنت اختار=شمـاليّك ، جنوبيّك ، وشرقيّك مع َ غربـك



بإسم الحب متفاني على شـانك أبيع اعمـار=وانا طفل ٍ مشى كل الصعاب ، وهو مفاخر بك



الين اردَت بنا الدّنيا وصرنا للهوى..‘ ( تذكار )=وضاع القلب في دربه ، وإِنْته ضايع فْـ دَربـك



اعيش فدنيتي كنّي غريب ٍ.. ماعرف له دار=مغير أسرح مع طيفك واهوجس بك وأفكر بك



على حد الهموم اللي رمتني في لهيب النـار=احس اني على بعدك هنيّا جالس ٍ قربـك



يجي طيفك يسامرني ويقراني حزيـن اشعار=تحير بداخله عبره حزينه وضعها مربـك


يلعّن سـاعة الفرقى وعـينه دمعـها مدرار=وانا حالي كما حالي ، عطيّش ماقوى شربك



حسافة ماتوقعت السنيـن اللي مضت إعمار=تهادى في الوطى تنثر بقايانا على تُربـك



امُرُّ وخاطري مُنهك ويهـدم داخلـي إِعصـار=على درب ٍ يخليني وحيـد وراح هاجر بك


تشوف الحب في عيني وترحل دونما إشعار ؟ !=وانا عيني تدمّرني ، إلا من جيت أناظر بـك

عرفت ان الهوى كذبة ، وطبعه في البشر غدَّار =وانا يا للأسف للحين مُلقى في وسط دربـك[/POEM]









.