[عبدالحميد بن ناحي]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]غنيت هاجس بعيد الطرق ياغريّب=ساري معي عبرة(ن) بالصدر اجاذبها
جيتك على فاطري طرقي ومتهيب = ناقل بلاها معي من فوق غاربها
من تحتها بيد ماغرهد لها الصيب = تاخذ من الذيب جوع اللي مجربها
هاك الرسن من يدي وان صرت متريب =انحر ذلولي عشا لاصرت راكبها
وان قلت لي ليه قلت الجوع ياحبيب = الناس ماتت ولا قضيّت مطالبها
وين انت يااللي تقول الفقر مايعيب = وضيوف الاجواد راحت دون واجبها
جبت القدح فاضية وش جبت يامجيب = وكل(ن) يشوف القدح بيدين جايبها
من حبّها ( بكر ) وارخصها وهي ثيب = يلقابها عذره اللي به يعذربها
كم لي وانا اسرح لها بالعود متطيب = من جرحي اللي على جمره يطيبها
شفني مع الناس من قلّ السنع خيب = من ناس ( تعطي فوايد من مصايبها )
من ثابني جوع لو قلت العطا ثيب = شف خبزتي كلها بضروس واهبها
قل للشوارع فقر.. يااستاذي الطيب = خذ كلمة الفقر من جملتك واعربها
وعطني من الحلم شرهة قلبك الهيب=واعطيك الاحزان خمر العين شاربها
لو عارض الليل من وجه الفجر شيب = ماشابت العين من ميلة قرايبها
يامبعد(ن) وانت هاجس قلب وقريب = رجلي مثل ساعتي تمشي عقاربها
يكفي حضوري شعرلاصرت متغيب=ويكفي هجوسي وجع لاصرت كاتبها
وان قلت لي طرق هاجس فقر ياغريب = قلت اترك جروح قلبي لاتقلبها[/POEM]