[ثاني الدهمشي]

هذه القصيدة ماهي إلا زفرة ..
وأبت إلا أن تظهر من باطني مع اننا في زمن الكبت والذل ..

:




[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]يا شعــر وصلــها رسـالة للإعـلام=من شاعــرٍ في نفــسه يراعــي الله
السيف له قبــضة ومن دون الإبــهام=ما تحـــكم القبــضة يمـينٍ تسـلّه
والحــق رجـلٍ حـرّ ما يقـبل يضـام=لكنه انـضــام وجــته ألـف عــلّه
رسمات واستـهـــزاء في خير الآنام=وحـــــنا يــراوح ردّنا في محـلّه
فـدتك روحـي يا مبـشـّـر بالاسـلام=يا خـير قــائد حــاملٍ خيـــر ملّه
تـطاولت عليـــك رســمات رسّـام=ملعون كافـر واظهــر الرسـم غــلّه
ورسّــامهـم والله ماهـوب ينــلام=جرّب.. وشاف اسـكـاتنا واســتـغلّه
حـنا تعــوّدنا على مــرّ الاعــوام=وصارت إهانـتـنا حــدث مـا نمـلّّه
صحيح حنا هيـاطنا دايـــم ان قـام=مويـتــْه نشــربـها بعـد ما نبـلّه
بس الحـدث ذا مخـزي و حيل هــدّام=واضـح ولا يحــتاج شـــرح وأدلّه
وين الشـرف وين الشـجاعة والإقـدام؟=موضـوعنا هــذا ضـروري نحـلّه
بالغصـب أو بالطـيب بأحكـام بإجـرام=اللـي يعــقـد الحــبل لازم يفــلّه
لابــو صغـيّرهـم الى عمّـهم سـام=ولابــو الدنـمرك إلا ابـو الغـرب كلّه
يا نـاس لا ترجـون تحقـيق الاحـلام=مادام عيشــتــكم هــوان ومـذلّه
تاريخــنا ما هو حكــايات واوهــام=تاريخـنا مجـــــد وفتـوحات كـلّه
كم من مدافـع عن حـما دين الاسـلام=حـط الزمـان أسمـائهم فــي سجـلّه
لأن واحــدهـم محـــال انه ينــام=لا شـاف من كــافـر على الديـن زلّه
فـما بالكــم باللي قصـد خيـر الانـام=عن عـمـد واطـمأنـان قلـبه يقـلّه
ثـوروا ورزّوا فالمــيادين الاعــلام=والكـل ّ مـنّا لـه طريــــق ويـدلّه
تونـس جـزائر ليـبيا مصـر والشـام=أهـل الخلــيج عـراقـنا المســتحلّه
فـي كل مكــان نحـطّ للمخـطي لـجام=والله ينصــر مـن بغـــى ينـصــر الله
ليا تكـاتفــنا من الصعــب ينضــام=من بيننا مســـلم لو نكــون قــلّه
والقـوة اللي صـدق ماهيب الأجــسام=القـوة ايمــــان وشـجاعـة جبـلّه
إلى هنــا بأخــتار لي بيـتٍ خــتام=من شـاعرٍ شعــره من الغــبن تـلّه
أنا لنصــرة خيـرة الخلــق قــدّام=اللي هـدانا بهـــديه لـ خيــر مـلّه[/POEM]


:

اللهم صلي وسلم عليه ..