سنين الحب ويــن أنتِ ؟!
بي أيام العُمر دارت
وقمت أضحك وأنا أدري
بيجيني يـــوم
يعاندني
ويهديني أسى وهموم ..!!
ويجي سيف العنا جلاّد
ولا أشكي ..
ولا أبكي ..
تعوّدته
يجي لمي على الميعاد !!
ويوقف حارس لــ بابي
يحرمن شوفة أحبابي !!
.
.
سنين الحب وين أنتِ ؟!
عيون الخوف
تناظرني
تراقبني
تبي تقفل علي بابي
تبي تقطف زهر حبـي
تبي تبعد
تبي ترحل
معاني الشوق من قلبي !!
.
زماني يسألن مرّه
عن الشوق اللي مامره
عن الدنيـا
عن الأفراح
وما يدري عن إحساسي
غدى في زحمة الدنيا
خوي هموم
خوي جراح
وكل اللي بقى عنده
أماني
والهوى غدار
ولا وده
ولا بيده
وأمره في يد الاقدار !!
.
.
سنين الحب وين أنتِ ؟!
نسيتي
يوم يلقاني
وعلى خد الفرح دمعه
وليل الحب
وأشواقه
بصدري منه مجتمعه !!
.
.
سنين الحب وين أنتِ ؟!
أبد ماصار بالدنيا
أمل يومك تغيبتي
سنين الحب
ماكنتي !!