حــــدّك
\\
//
\\
//
\\
//
\\
//
\\
الناس ليل وحبهم شف وارباح
. . . . . . . . وماشوف غير النور شي ٍ يسدك
؟
؟
؟
صعبة بتلقى ودّهم دون مصباح
. . . . . . . . يعني بدون أخلاق محد ٍ يودك
,
خلك وسيع الصدر والبال منساح
. . . . . . . . تكسب قلوب وعكس ذلك يلدك
,
واحذر تصير اللي بالاسرار بواح
. . . . . . . . لاطـروا الأنــذال كل ٍ يعدك
.
,
,
وترى القدر مايرتفع صعب لاطاح
. . . . . . . . والهرج عن حب الخلايق يصدك
,
ياللي تقول إني عن الهرج منزاح
. . . . . . . .ليه الحكي بالناس دايـم يشدك ؟ !
,
لاتعتدي بالقول وتقول مزاح
. . . . . . . . ترى الخطاء للذل والله يحدك
,
لسانك الجراح لو كان مداح
. . . . . . . . مايسترك والثوب ماهوب قدك
,
لاتستفز الحرف والبال مرتاح
. . . . . . . . مخلاب قافي لايوسم بخدك
,
الحلم سجن الغيظ والسب مفتاح
. . . . . . . . وانت بكلامك تعتق الشر ضدك
,
ولاصار شري نار والهرج قداح
. . . . . . . . وانت الورق لاتشعل النار حدك
.
فيـصـل بن سبيـّل