[ناديه المطيري]

كتبتها قبل يومين ,, فقط اردت ان اكتب فوجدتها تكتبني

باغتتني على حين غرّة
غافلتني وسرقت محبرة احساسي
جسّدت من ملامحها انفاسي

فقط ..تمنيت لو تأنقت اكثر لكم لكنها ارادت أن تكون عفوية اكثر كـ بِكْر لم يعبث التنقيح في عذريتها بعد

وبما انني كتبتها هنا في ( ابعاد ) في ( اكسجين ) بالذات

ضاقت انفاسي هناك

فـ جئت هنا اتنفس النقاء في قلوبكم

حضور خجول/متواضع في (ابعاد ادبيه) .. فقط

(من تصاميمي القديمة,,رسم فوتوشوب 100%)





[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]بين لهفـة حضـور وبـارد غيابـك=عاشقـه تنتظـر مـن قِـلَّةْ الحيـــلهْ
لاهي اللـي تِبَـلِّلْ قـاحِلْ عْتابـك=ولاهي اللّي تجي بالبال تعليــلهْ
مارحمها البُرودْ اللي طَرَقْ بابك=هيجَـنَتْ لِلْبَكــي وارْوَتْ مناديــلهْ
لارِقَـتْ لِلْغَمـامْ اللّـي تَهَـقْوا بـك=ولانـــزل ذا الرذاذ اللــي تغنيــلهْ[/POEM]




ياللّي تِماديتْ اجْمَلي
أَبَسْأَلكْ:
[بِاللّهْ عَليكْ ما اشْتَقْتِلي ؟!]



ماهَزَّتْ غْصونَكْ مَلامِحْ ذاكِرَهْ تِعْبَتْ تِنادي :
[ إِنْتَ لي ]


مافَزَّزِكْ عِطْرٍٍ تَرَكْتَهْ في ثِيابَكْ ؟!
يومْ تَحْضِنّي وَاهابَكْ ؟!
وَامْلا أَنْفاسي بْعِتابَكْ
وِبْغِيابَكْ أَمْتِلي


ماذَكَّـرَكْ فيني الْمُطَرْ ؟!
يومْ كِنْتِ أَجْمَلْ مِظَلَّهْ
يومْ تَحْضِنْ واتِغَلَّى
وْتَزْعَلْ ضْلوعي عَلَيْ


ماذَكَّـرَكْ شِعْري
وَلاشَعْري
وَلا هَمٍٍّ وِطى صَدْري
ولاجَرْحٍ كِسَرْ ظَهْري
ولاحِزْنٍ تَرَكْتَه بْداخِلي؟!


ما اشْتَقْتِلي ؟!
ما اشْتَقْتِلي ؟!
ما اشْتَقْتِلي ؟!


ياسُؤالٍ يَطْرِقْ ابْوابْ الْمَواجِعْ
في عِيونْ اللّي بـْ غِيابَكْ مِبْتِلي


ياسُؤالٍ أَتْعَبْ دْروبِ الإِجابَهْ
الليّ نِوَتْ في مَقْتَلي


أَبَسْأَلكْ:
[بِاللّهْ عَليكْ ما اشْتَقْتِلي ؟!]


شَرَّعْ أَبْوابْ الأَلَمْ ثُمْ اعْتَرَفْ لي:
[مَنْتَ لي ]

ناديه المطيري