معدل تقييم المستوى: 20
ههههههههه مسويه نفسك فاهمه وتلفين زقاقات طليطله زين الله عقلك عن جد أحسست بك أنك تبكين حتى على صوت أجراس الساعه ليهنكَ البكاء ياغنج / ولنبقى نحن الرجال الشرقيون حبيسي قطر العيون ليت أبكي لو ربع ساعه كان ارتحت سنتين ونصف بس الدموع عندي تحتاج مفاعل نووي لكي تخرج من حبسها الدهري على طاري البكاء / أيهما أكثر إبتهاجاً للنفس الضحك أم البكاء ؟ وعلى طاري طليطله / مازرتِ أوربا الشرقيه انا زرت اماكن كثيره ماعدا المتحضر منه رحت أول مره / باكستان - وافغانستان والنسما -ألمانيا - وكرواتيا - البوسنه والهرسك - تركيا - روسيا - أوكرانيا - ملدافيا - رومانيا - سوريا - مصر - بلدان الخليج ماعدا قطر وعمان - بحكي لك قصه صارت معي في أوكرانيا عجيبه جداً أحب الأماكن الفقيره و الثائره والغير آمنه لأني أشعر فيها بأمان آخر وقد حصل لي ذات مره أن هجم علي الجيش والداخليه والشرطه في منتجع سياحي على ضفاف نهر جميل وسط غابه لايسكنها أحد سوى حيوانات أليفه مثل الدببه والذئاب حقيقة كانت مفاجئه على الصبح إن اقتحم المكان جنود وعساكر وسيارات عسكريه وقوات خاصه ملثمين وكل واحد بيده رشاش ويصرخ بأعلى صوته وأنا والله مسكين مالي وللشر أبي هدوء لاغير وابعدت هناك أبحث عن جمال الطبيعه البكر المهم إقتادوني مكبلاً بسروال وفانيله من فراشي وبطحوني الأرض ويداي وراء ظهري ووجهي بالأرض - الله وكيلك قلت شكلي مسوي مصيبه وانا ما أدري في الأخير أخوك باعها بتراب - قمت وقلت يلعن أبو الذل مت عزيز ولا عش شهيد ههههههه ورحت لأكبر راس فيهم وصرخت في وجهه وش السالفه وليه تسوون فيني كذا انت ماتعرفون من انا / إيه يا رامبوا على غفله / وبعد ذلك خافوا منّي وقالوا أكيد هذا رجل مهم ولا ما سوى كذا أعجبك ما أخاف وطالبتهم بالإعتذار الفوري والمخطوط وسحب جميع الأشرطه التي صوروني فيها مقتاداً مكبلاً بسروال وفانيله / أشوى كان سروال طويل ولا علوم / في النهايه فعلاً إعتذروا منّي / ياقوي/ وقالوا جانا بلاغ عن محاوله إرهابيه ( أزفنيتي ) يعني بالروسي حنّا آسفين / ناس ماتمشي إلا بالعين الحمرا وفعلاً كان زيارتي متزامناً مع زياره زعماء دول (يامهم ) شله من الرؤساء منهم بوتين ورؤساء دول شرقيه اوروبيه وماهم بعيدين من منتجعي الخاص الله وأكبر يامنتجعه الخاص يظنون أن كل عربي إرهابي والله ماوصلنا لهذا الشرف كان ماجينا نتسكع عندكم وعرفنا وين نروح له / المهم عقب ها السالفه عذرتهم وماعاد رحت لذيك الدوله توبه ولا تسأليني ليه رحت لبعض الدول المذكوره أعلاه لأنها زيارات عمل ومشاريع وتعاون مع مؤسسات خيريه فأنا أحب العمل الخيري ولو إني مفلس وقد حالي لكن مستعد أزور أيا بلد منكوب وعملت مدير إدارة لإحدى المؤسسات الخيريه الكبرى في السعوديه إلى أن أقفلت بعد أحداث غزوة منهاتن 11 سبتمبر الحديث ذو شجون / بس جاوبي على الأسئله اللي فوق أو أفتحي أي مجال للحديث أو تحدثي كيفما شئت وأسألي كيف يحلو لك لكن بكره نكمل
التَأْرِيخ لاْيُعِيدُ نَفْسَه لأنّنَاْ التَأرِيخ
التعديل الأخير تم بواسطة محمد الضويحي ; 01-04-2008 الساعة 03:54 AM.