[أحمد البلوي]

.

بهدوووووء كأن الروح تحتي











خليل* . . وصدر هالبلده يحنّ وينّسكب موّال
مِن أفواهـ الغلابا .. وللتُراب الجوووع يدعيهم

يصحون الصباح إبسملتّهم .. والصباح إن طال
يلمّون العصااااافير بضلوعي لجل أغنّيهم

هنا .. طفرة بلادي .. والتعب .. والضيق .. والترحال
هنا ناس .. / وبقايا ناس / وناس الحزن ماليهم

عتبهم: .. كسرة الخبزه إذا سولف فقير الحال
لهم فيني من جذور الشقا : حسره .... ولي فيهم :

وطن .. وأرضٍ تهيجن بالوجع لو مانّتفض فنجال
بكفّ اللي إذا علّل نفوس .. يجيب طاريهم

هنا من تحتهم غيمه .. ومن فوق الغيوم (إ)رجال
هنا الفاقه* تذوووب بعز ذِكْر أخر أساميهم

وأنا واحد من عيال الفقارى والسهر يا خال
إذا يمضغ من جفوني ألوُذ بحال ماضيهم :


هنا بلده..
/
هنا بيت ..

وهنا أم وثمان أطفال

هنا عن زُخرف الدنيا .. مخابيهم .. تخبّيهم !

هنا كان الوفاء أقرب / والأغرب .. حِلمهم يختال
وإذا مدّو له إيديهم ... بُكاهم .. يضرب إيديهم


هنا ذااااك المُسن اللي قضى عمره وهو : دلاّل ..
يملك > صوت من يملك .. ويغري عقل شاريهم

هنا ذيك العجوز اللي تحيك بصبرها كم شال ..
تنادي طفلها ينظم لها الإبره وتكسيهم

هنا .. كان الأمل قصة برووود وزخرفة تمثال
هنا كان البلد أصغر من (إ)حكاية منافيهم !

هنا .. واللي هنا .. لو هو هنا يا صاحبي ينقال ..
تشوف .. إن الغلابا ما تموت إلا على يديهم ..!














* خليل : صديقي العزيز : خليل الأحمد الشهري
* الفاقه : شدة الحاجه ..







إبن البلدهـ

أحمد عايد البلوي



.