السلام عليكم ورحمة الله وبركاته
صباح الخير ____ مساء الخير
اسمحولي على هذا الغياب الغير متعمد
وارجو ان تشفعلي حروفي عندكم يالغاليين
جديده علها تنال على اعجابكم
صوتي أجره وصوت النـاس ماجـره
وش لي بناسٍ اذا هي ناحت وصاحت
اهل الـدوادي تجيـب العلـم وتفـره
واهل النمايم تروح // بزيفها راحـت
وياللي جعلت الوشايا في فنا الصـره
الزبده اللي تسولـف فيهـا ماساحـت
عطني خيار السوالف واكفنـي شـره
ولاعاد ترمز ترى حلوق البشر باحت
لاني غشيـمٍ ولانـي مضيـع الجـره
مير الحقيقه بروقـي بالوفـا لاحـت
اصلي عريبٍ وانا اطني مـن الحـره
وإدلال طيبي على جمر الغضا فاحـت
ماني بمثلك تخبـص الحلـوه بالمـره
من شان حاجه عيون الناس بك طاحت
نفسي عزيزه من الغـره ليـا الغـره
ماهي ذليله ولكـن منـك ماارتاحـت
اعطيك علمي // وعلمي عالحبل شره
ودوك الصمايل مدامه فرصتي تاحـت
صوتي اجره وصوتك ياخـوث جـره
نشوف منهو شدوقـه بالوشـا ناحـت
وسلامتكم
مغليكم / عمر اللهيميد