[محمد السالم]

المشاركة الأصلية كتبت بواسطة نايف الروقي

"
لعلها تمحو غيابي
"
بسيطه
كلي أمل ان تنال رضاكم
"
(( آية الظلال .... ))
"
:
.
ياعين لو كل قره تشبه لقره
حفرت في نون عينك برزخة قبري
"
ياشيب عينك ياعيني ليل هالمره
ضوت شموع الغلا ياعين من بدري
"
خاثر شفق شمس كون الحسن محمره
أعلن خضوع الظلام لسلطنة فجري
"
آخر عهد لي بعمري زفرة الجره
ضيعت بصري تبي تشره على بصري
"
جتني غوايه تلم الشوق وتثره
تقطر براءه ملامح وجهها العذري
"
متفرعنه صادرت عقلي على غره
كيف احتوتني يمين الله ما ادري
"
صدري فتقته غلا وازريت لا ازره
أنهت تمرد خفوقي وسكنت صدري
"
أحلى حلاوه بعدها تنقلب مره
الريق يغفر ظلالة نادلة خمري
"
شرياني التاجي بنزف الغلا تجره
تهل عمري وصل في يسري وعسري
"
زاحت ليال السهر من واهج الغره
سرت واسير المسره يسري ويمري
"
ناقوس شعري مابين اعلانه وسره
غنا على الاوووف بوح بروحها يسري
"
جفن المشاعر ليا منه غفا تمره
ولامن صحا من نسايم همسها يغري
"
بحر المشاعر غفت ف اعماقه الدره
اسرارها تحتويها طلسمة شعري
"
آية خيال الظلاله حظرة الحره
تهدي ظلالة خيالي مؤمنة كفري
"
اللاوعي لا اعتراها بخيره وشره
تقمصت هيئة اللافكر في فكري
"
معذوره العيطموس تعيش مغتره
من دم قلبي زرعها ف الورق حبري
"
ماعاد باقي غلا للغير لو ذره
كلي لها وللشعر تقديري وشكري

"
الروقي ..ن..

يا صباح الشعر يا صباح الروعة

ما شاء الله هذا الصباح من اروع الصباحات


التي نلتقي مع الشعر الراقي به


ارتقيت بالذايقة ايها الراقي


لك كل الود والورد