[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المترف اللي علّق الدنيا .. وهو يضحك طرب = ليته شغل باله بغير هوايته .. ودراسته
كان أكتب من الشعر .. ما يعجز فطاحلة الأدب= وأعلّم اللي يجهله .. فن الشعر وسياسته
في قبلته .. في ضحكته .. في حسنه السهل الصعب=في عيونه اللي كل ما زيّنت شعري .. حاسته
هوايته جمع اللّعب .. وقلوب عشاقه .. لعب = وأنا أول اللي مد قلبه .. فدوه إلـوناسته
ودراسته علم اشتعال الشوق .. بغضاي الهدب=الله يخليه لعبث مقلمته .. وكراسته
عشاقه الما .. والهوا .. والصبح .. وطوال الشنب=وأنا حديهم .. والذهب قدره قدر لبّاسته
وأحبابه الليل .. وغنا أم كلثوم .. وأمه .. والكتب=والحظ ماهو للجميع .. أمه وحدها باسته
حتى بنسبه مميزه ربي .. ومعطيه الحسب=ياللي جهلت المعدن الطيب ..وأخذت نحاسته
جدّه لأبوه التوت .. وأمه جدها الأول .. عنب =ومنين ما دوّرت .. ما تلقى مثل سلاسته
يا علّني محظوظ .. وألقالي طريقه أو سبب=وأمر في باله .. لأصير هوايته .. ودراسته[/POEM]