[POEM="font="Simplified Arabic,4,white,normal,normal" bkcolor="coral" bkimage="" border="double,10,sienna" type=2 line=1 align=center use=ex num="0,black""]
في خاطري ضيقه وعبره بلا دموع =وكثر الليال جروح بالروح منها
مشاعري غربه واحساسي الجوع= وحالي بحال اللي لك الله عنها
لي باالاسى قصه وبالفقر موضوع=وقصايدي من وجد حالي لحنها
يامترفه والقلب بالحيل موجوع= إستوطنت فيه الهموم وسكنها
عمر الفرح ماعاش في عمري اسبوع= سعادتي من مهدها في كفنها
يا وردةٍ نادت على جال ينبوع= عانق لعاتقها العبير وحضنها
لو الحلا والزين يابنت متبوع= عن الطرب روحي زماني شطنها
ولا بخاطري غيرآااه والقلب موجوع= وكثر الليال جروح بالروح منها[/POEM]