[غازي بن عالي]

صباحكم من نور واستبرق
.
.
نص اتمنى ان يرتقي لـ الذائقه

.
.



كلي ارق وآمال تصرخ تبي عون
والضيق صدّر لي مآسي قويه
-
مسجون ضيقه وأكثري يآس مركون
في وسـط صـدر فاقدٍ معنويه
-
ياعون وينك يوم أناديك بـ الهون
ونفوس تقسى كل صبح وعشيه
-
شفني غريبٍ ممتلي هـم وطعون
أشرب .. مرارٍ .. صبته .. شاذليه
-
من بادي الاحساس لاصرت مغبون
عيشة قسى .. يا ذالحياة الشقيه
-
آتمتم شعور السوالف على لحون
ويطغى لحن حزني معاني خفيه
-
هذا انا والحال من دون لا دون
عايش كـآبـة بـؤس ماهي هنيه
-
عقيم حظ .. وغير هذا تعرفون
عق الزمان و يم .. حظي خطيه
-
اصلآ انا ماني من اللي تشوفون
أنا رماد .. إنسان .. في مهمهيه
-
ياما كتب بإحساسه اليوم ممنون
رد الزمن ،، مالك ،، علينا عطيه
-
حظ التعاسه عانق إنسان مسجون
و اللي سجنه .. الحظ بليا قضيه

.
.
كل الود