
•
أما قبل/
عن الشعر أتحدّث..
•
كانت الساعة قصيد إلاّ شطـر..
صارت الساعة قصيدة مذهلة!
وانزويت اكتب تفاصيل المطر
أبذر حروفي .... وتنبت سنبلة
واتزيّن للشِّعر .. .. ليته نِطَر….!!
كان شاف الزين ( حرف ) ومكحلة
والدفاتـر لو تمـاري بَهْ سطـر
كان تكتب في سطوره …أنْبَله
والقصـايد لو يغـرّقها عطـر
المشاعر..في شعرها* تجدله
والقلوب اللي تحب وتنفطر
يا شِعر إقرا عليها البسملة !
والشعور اللي تنامى وانشطر..
منهو غير القاف يقدر يزهله؟!
والسؤال اللي على بالي خطـر :
ليه دايم أكذب الشعر أجمله؟!
•
•
* شَعَرْها أو شِعِرْها
اقرأوها كما تشاؤون !
أما بعد/
تباً لقافية الصدر ..
2 يناير 2024