•
كان يتهجى حنينه
بين زفرات الشعور ودمعتينه
حاء نون وياء نون
كان يزرّر ضيقة الصدر
ويدخن ..
ينفث احزانه ..
يشكّل من دخان الروح عبرات .. ودواير ..
كان يعزف ناي صبره
تخنقه عبرة
ويتسلطن أنينه ..
ثم يفتح للصباحات الشبابيك ويغني..
للعصافير اللي غفت في راحتينه ..
كان يجري فـ الشوارع ..
مرتبك .. مخنوق يسأل ..
كل ارصفة الطريق اللي مشى في جانبينه..
عن خطاويه ..وبقايا
عطره المسكوب بانفاس الورود اللي ذوت
يوم ارتحل وافلت يدينه ..
كان يحيك ثياب حزنه..
من خيوط الانتظار اللي كسا ذاك المكان الموحش المهجور
باطراف المدينة ..
مابقى منها سوى كرسي وحيد ..
وحلم منسى ..
وقلب متعب بالحكايات الحزينة..
27 يوليو 2024