:
من عناقيد الفقر أقطف ثماري
يلعن الحظ العمى فيني تجَــنّى
:
مابقى من الطّـيبين الا ..الأثاري
ولابقى منَ احْلامنا غير انْـتِمَنّى
:
وش أخذنا من (الربع )غير المزاري
وش أخذنا من تراثك غير ( كِــنّا )
:
يحسبون الطيّب من جانب تجاري
أفلست كف الكريم .. ولاتَهــنّى
:
حالتي ( يازيد ..) تقراها بْسماري
الظروف الويل ....في مقتل رمنّا
:
منه يقدر يلحقك للطيب ضاري
مانْتظرت المدح أو شاعر تغنَّــى
:
أَسَتَرْ من الليل وأصدق من نهاري
واكْرم من الغيم .. وأكبر من وطنّا
:
جاعت ضلوعي.. وأنا اشوف انكساري
حتى احس الهم ....بعروقي تثنّى
:
طال عمري وانا واقف في مساري
انتظر كف الحزينة ...لو تحَــنّى
:
أنا داري والمصيبة .. انت داري
إنِّ أخوك العون ..باقي في زمنّا
:
ذنبي اني صرت في نهجي (يساري)
ماهُو كَيفي ....عقلي للفكرة تبنّــى
:
انثر الأطفال من صدري قماري
وأزرع الأنوار .. في ظلما الْمَعَـنّى
:
هذي الأفكار ماهي باختياري
اختلاف عقولنا ... مخلوق منّا
:
لُـو هُو كيفك تقدر تجيب الطواري
مابقى في عالمك ..واحد تعـَنّى
: