جديد
ممنون كلي بعد والنفس لك شاكره
عطيتني درس واحد في زمنّا صحيح
في موقف ٍ بالعمر. لازلت. انا فاكره
اللي انكوى بالغدر ياناس قلبه جريح
من ينتظر حل ما يلقاه في باكره
يموت حلمه مع الايام ماله نصيح
ناس ٍ كريمه وناس ٍ بالفعل ماكره
تظهر وجيه ٍ خبيثه في قناع ٍ مليح
نزلت في وادي ٍ مجهول انا ناكره
صوت الحيايا سمعته. بالمسا له فحيح
اللي وقف في طريقي اليوم باعاكره
القلب صامل وراس العز لا مايطيح
من قال هذا الشعر مجنون من حاكره
ليته درا عن جروح ٍ في ضميري تصيح
اشياء كثيره صور محفوظه بالذاكره
وابيات شعر ٍ كتبته بالنبط والفصيح
محمد الثوعي