،
الحدود مسكَّره
🇸🇦|🇦🇪
طالت المدة و ضيّق خاطري و الله يعينه
(الوبا) اللي حاصر العالم ويا الله السلامه
الحدود مسكره والنفس في صمت وحزينه
غيّراللي صار من شكل الوجود ومن نظامه
اشتياقي لـ (أمي) وقلبي بدت تلوي يدينه
الدموع اللي على شوق الغلا يذرف غمامه
ودي آصلها واحس بوسط هالدنيا سجينه
والشعور يشب تحنانه ويخنقني كلامه
الليالي في انتظار تمر واعـيـوني رهينه
لين صار يبان حزني في طرف كل ابتسامه
سجة اقدامي حبيسة خوفي وروحي مدينه
اتجول في مرابع ذاتي وقلبي غرامه
شوقي اللي صار يقصاني ويتعبني انينه
بعد صارت فرصة الاحباب تلزمك الإقامه
في منازلنا وكل احساس واعي حافظينه
و الأمل بالله باقي من هنا ليوم القيامه
العمر يمضي و رحلة فرحته تاخذ سنينه
والتفاؤل صبح يملأ الكون و يبدد ظلامه
ربي ألهمنا الصبر والعفو متك مرتجينه
لا تخلينا نذوق الخوف في ريع الندامه
مارس 2020
،