’*
يامرحبا ياهلا باللي يناديني
…....... اللي حروفه تداعب نشوة اشجاني
الصاحب اللي بنبضه دوم يدعيني
…....... يفز له خافقي .. ويلعثم الساني
أطلق عنانك تمرّد في شراييني
…....... أترك لحرفك حكايا حُبّ تبداني
خل المعاني تمرجح بينك وبيني
…....... بعثرحروفي وغير لي بـ عنواني
بكتبك في دفتر الايام كافيني
…....... وأمطر احاسيس تضمينيّ و ترواني
اقرا قصيدي تماسك لين تنهيني
…....... اطرب لحرفٍ معاك يهز وجداني
محتاج انا اسمع نَبِضْ قلبك يبكيني
….......ودّي أنا اعْرف .. وش اللي منك بكاني
أقرا قصيدي دخيل الله .. و احييني
…....... أقرا ابسمع شعوري وانت تقراني ..!
:
" 
"