منو علّم الشوق وْ منو علّمك يا شال ؟!
ومنو علّمك يا عين بِـ اْنّ البكَي يغري !
وِمن علّم الصوره تِجي بالي وْ تختال ؟!
وِمنو فهّمك يا نفْس بِـ اْنّ العذِر عذري ؟
يمرّ الزّمن فيني .. / وِ نفْس الْوله لا زال !!
علىٰ شرفةِ الذّكرى حنين وْ دمِع يجري
أعاني مِن الماضي .. / وِقلبي غصِن ميّال
تِداعبْه سيرةْ راحلين وْ ... شتا صبري
تغيبون وِاْلّا ماتِغيبون وسْط البال
عليكم طواري يا نظَر عينيِ بْتطري
وِكلْ مانفضْت غْبار ليلي بكت أَطلال !
انا وين اْودّي وجهيِ فْـ روحتَك مدري !
خذاني علىٰ دربك رِجا ، لهفه وْ ترحال
اجيلك قبِل حزني يِلوح وْ يفِلْ فجري
وِفي كلْ نواحي عمريُ وْ مجْمل الأَحوال
أَنا ما ملَىٰ عيني سِواك وْ سكَن صدري
ومِن عمْريِ اللّي راح مِن عمريِ الليْ قْبال
عرفت اْنّك اْعظم ' ملهم يمرّ ' في عمري
انا كلّ شرهاتي ' منِ اْيدي ' علىْ الجوّال
كتبْتك ' قصيده فاخره ' ، ما نفَذ شعري
وقول اْنْ حبيبة دنيتي لوْ شنو ينقال
تِشوف اْنّ قدْر اللي تِقوله مـ َهو قدري !
مِن الْمنتصف نَمشي وَلَا نحْسب الْأَميال
انا كنْت أَحْتاج الْمشي حيل مِن بدري
تمرْجح فُؤادي مثْل مـْ اْتمرجح السلسال
بِـ عنْق الأَمل مِن حيث ' يدري وَلَا يدري
ريوف الشمري