(( فلسفة عشق ))
تباريح القصيد وهيجنت صوت الغلا والبوح
ونار العشق وانفاس الغرام وبعدك القاسي
وغيم الشوق وارباح العواذل والوله والنوح
وطيف الروح وازهار اللقاء ومذكّر الناسي
وريح الهجر واوجاع السنين وعلة المجروح
ودمع الضيم واوتار العذاب أتهدم انفاسي
وحب الذات واوتاد الـ أنا من طارق ملوّح
ونبذ الطيب وتغريب الوفا ياقرعة اجراسي
كذا حالي وانا اللي مامعي الا ماكتب باللوح
انا ادري لو تجرعت الهدايا ما امتلئ كاسي
ابسأل ياصدى عزف البلابل ياحمام الدوح
متى ينسى هديلك ونة المجروح ويواسي
متى روحك تعانق لهفتى وتوافق المصلوح
وتنقش فلسفة عشق الغوالي بين الاقواسي
متى ياهيه بتوافق حظوظي نبضها والروح
متى تسمو النوايا في وفاها ويهتني راسي
ابصبر واترجى يمكن اوداق الامل بتلوح
وياتي الغيث ويبل النوايا وتزهر اطراسي
احمد المنتشري