[محمد إبراهيم آل ميليد]

السلام عليكم ورحمة الله وبركاته

عدتُ والعود أحمد بإذن الله لكم أيها الأحبة

نص لتجديد العهـد و سابق الود ❤❤


انا فيني من احزان الكمان وعَبرة من ناي:
وانا فيني من دموع التقي حزة سمع سورة

وانا فيني غروبك يالامل والهم ياشكواي:
على اذن الليل أبسردها قصص بالعرف محظورة

صحيح اني بصيرٍ بالقضايا واستدل الراي:
ولا باجهل ولو زور الحَكم قد ضاق من شوره

رميت الفخر بأنساب العرب رميٍ ورى يسراي:
طرحت العنصرية والجهل وعبادة الصورة

انا في راس قمة عزلتي والناس رايح جاي:
اشوف اللي قدر يرقى ومن كثرت به عثوره

سراب الارض من حر الشموس اللاهبة سراي:
متى مالت مع وقت المغيب يبين مخبوره

تشفقنا على وجه الكريم الفارس الرماي:
اذا جار الزمان وصاب مجده كشفة العورة

تحذرنا الفقير اذا اغتنى واصبح من اهـل الهاي:
كفوفٍ كانت تظله جعلها الغرّ مكسورة

تغير كل شي ممكن وانادي واسمعو لنداي:
اذا عاد القلوب قلوب والاحرار مزجورة

يقول الذيب نهشي عظم يمنى البطش من بلواي:
قبل موتي ونار الظلم في الخفاق مسعورة

@m_almeleed