[تفاصيل منسيه]

السلام عليكم ورحمة الله وبركاته

صباحكم رضا / مساكم سعاد بإذن الله
تواجد خجول بأبيات بسيطه أتمنى أن تنال بعضاً من استحسانكم أحبتي..

:: أقول ::

كنّك لمست القلب بأطـراف انامِلْـك
يومـك همـسـت بصـوت خـافـت(أحـبِّــك)

كـنّـك حـضـنـت الـروح وآنــــــا آتـأمـلْـك
يـوم ابتسـمـت مـن الخـجـــل,,اي وربِّـك

حـــيرتني,,مدري أنــا كيف أعـامـلْـك؟!
وانت الوجــود بحضرتك حــيـل يـربِــــك

لا تحْـســب إنّي فـي كلامي أجـامـلْـك
لو قلت : ودّي بكآس عيني أصـبِّـك

ودّي تذوب بنظـــرتي نور و(أحـمـلْـك
في عيني) اللي تطمح تكون دربِـك

وش كنت تقصد يوم تطلب أكمـلْـك؟؟
لو كنت تكمل بي,,فـ أنا أكتمل بك

لو كنت خايف انشغل عنْك وأهْمـلْـك
شفْ اهْتمامــي بــكْ ,, ويرْتاح قلبك

كنّك لمست القلب بأطـــــراف أنامـلْـك
يومك نطقت بْهـمـس كلمة (أحبِّك)

:: وسلامتكم ::

31/07/2021