؛
حتّى وِمَا فْبالـك .. تثيــر العابـريــن
وتمشــي حَسَب نَهْج الطّـريق بنيّتك
عاديّتــك غَطَّــت علـــى المتميّــزين
وشلــون لـــوّ تميّـــزت .. عاديّتـك !
يقولـــون الثّبات أكثـــر حقيقـــة توجــع المِسمَــار
كِثِر ما للجــــدار أحــلام .. موجــوعة ومغــدورة
وعلى صفر المسافـة كيف .. تاقــف والفلـــك دوّار
قبل ما يكون لـــك مــع هالحياة الدّايـرة .. دورة ؟!
ولـــدنا أحــرار لكنّــا .. نخــاف إنّا نعيــش أحـرار
ترفـــرف في دواخلنا كثيــر أشيــــاء محصــورة !
لأنّ الكلمــة الحُــــرّة .. تِحــــرّ الخانــع المِهــــذار
لــزوم أفكـــارنا تَحيـــا .. عشان تموت مقهورة ؟!
طموح الصــورة الأكبر .. تغــرّد خــارج الإيطار
وأنا والله راح أخرج .. عـــن الإيطـار والصّـورة
أنا الّلي كُلّما قالــوا طموحك ! واليديـــن قصــار !
عذرت ايدينهم لو هي .. أبَــد ما هـــي بمعــذورة
عن اللي فالقفص أبعد سماي وعن مدى الّلي طار
أنا لوّ إنْ سماي أقرب .. تبات الشَّمــس مذعــورة
أنا اللي قَبْل .. تتراهن على العصفــورة الأشجـــار
خطفـــت العَْشرة وخليـــت .. للأشجار عصفـــورة
عشان يكـــون لي بعيـــون طبعي موضع ومقـــدار
رغـــم عاديّتــي لازم .. أكـــون بعينـي أسطــــورة
وإذا كـــان الشَّفق يجـــرح غُـرور الغيــم باستكبـار
أمانــــة لا تمــــرّ الشّمـس .. والغيمــات مغــرورة
يعلّمنـــا الأمـــل ناقـــف .. لـ أمانينا كَمــا الثّــــوّار
وأنا لولا الأمـــل ما كان.. لي في هالمَـدى ثــــورة
أنا أذكر من صغر عمر الدفاتر .. والحروف كبــار
كَبَرت بصمتي الثاير .. عشــــان أكــــون جمهوره
تركت بداخلي طفـــلٍ .. أحــــبّ إحساســـه المكّــار
مِثل ما أحــــبّ يتمرّد .. علــــيّ بصادق شعـــــوره
أشوفه في عيون أمّــي .. من الدّهشة غريــب أدوار
ولا غيره قـــدر يَلمـــس بريـــق عيونهـــا .. بدوره
هذاك الّلي لَعـــب في حسبـــة المعجــون باستهتــار
حَلـــف لا يشكّل المعنـــى علــى رغبــــات ديكوره
قبــــل يتْعلَّـــق المِلــــح بســواحــل مــوجه الثّــرثار
تعلّــق فــي عذوبَتْه القصيـــد مـــن أعمــق بحــوره
هذاك الّلي يحبّ الصَّمــــت .. لكنّـــه يجي مغــــوار
يعيـــش الفكـــرة بكامـــل قواه .. وكامــــل حضوره
يحـــبّ الّلي يجي عاري .. على الفطـرة بدون أفكار
وأحاسيسه مِـــنَ الـدّاخل على الإبــــداع مفطـــورة
يحـــبّ المُبهــــر الّلي .. مَا تعمّـد فكــــرة الإبهـــــار
كِـــذا من دون ما يقصـــد .. تجيه النّـــاس مبهـــورة
.
.
سُرَى ♪