[خالد الرويلي]

المشاركة الأصلية كتبت بواسطة عبدالعزيز المخلّفي

شيل قلبك وسر به وإن كرهت السفر
وأجعل الصبح وجهه في مسيرة رحيل

ودع اللي تعرفه في دروبك ومر
بين حد الدموع وبين حد الصقيل

عن ليال العذاب المثقله بالصبر
استبحت الحلول ولا لقيت البديل

مالك إلا تسافر لا بغيت المفر
صر غريب عن ديارٍ تشوفك قتيل

ذكرياتك وحوش وحزنك ادهى وأمر
وفي سوالف عيونك شي ماهو قليل

و انتمائك غريبٍ للسما للشجر
للجبال المنيفة للسهل للمسيل

أنتماءٍ عثابك وأوجعك وأستمر
خلد الجرح ذكرى وأشعل الحزن ليل

الجمادات تعرف حيرتك والبشر
مايحسون لو شبيت قلبك فتيل

أرحل ارحل وبدد ضيقتك وانتصر
اطوي البيد عانق حلمك المستحيل

وان صدفت الاحبة في متاهة سهر
كل عذرٍ بدالك مايشفّي غليل

وينهم يوم قلبك فيه طاقة صبر
وينهم يوم قلبك فيه غصنٍ يميل

لذة البوح كانت في عيونك عمر
أورقت بالقوافي بس ويش الحصيل
شيل قلبك وسر به لو يطول السفر
باكر الشمس تشرق في نهاية رحيل

.

انت وينك


لا تحرمنا من كل هذا الجمال


أبدعت اخي


تقبل مروري ودمت بود


شبل الشمال