[عبدالله العتيبي]

صحيح ما احب بـ غلاك الهزيمة
لو إن حرب البعد منها ارتبشنا

ومع ذا لو إن الحرب دايم لئيمة
مادق مسمار النوى في نعشنا

ترعد وتبرق والمشاعر يتيمة
وانا وبعض الذكريات ابتلشنا

وبين إنتظاري والنوايا السليمة
هبت هبايب خاطري من عطشنا

والله لو للوقت معنى وقيمة
في حب غيرك ما اعتقد فيه طشنا

تبقى نظر عيني وقلبي وديمة
وتبقى الوحيد اللي حضوره وحشنا

انت فضاء روحي وانت سديمة
ومعك العمر لوكان يومين عشنا

عبدالله العتيبي
https://youtu.be/RPRKddcQL14