تعرّت هذي الدمعه !
وعرّت صدري
وعِطري !
يقولون : الحكي يوجع !
وأقول الصمت :ترنيمه !
وعزفه / قاسيه / بيضا
ونزف ٍ أسودٍ / قاتل !
تعبنا هذي الغربه !
تعبنا من مشاعرنا !
مبادئنا / قصايدنا !
حكايا أكمام .... تبترنا !
تصّدق يافهد : جُمله ؟
ترا مابالوطن : كذبه !
ولكن كذبته : ناسه !
جميلة تربة الموطن !
بريئة / ناصعه / خضرا
ولكن البشر : شاحكي ؟ !
شفضفض لك / ووش يكفي ؟
تدري وش اللي
يقصم الظهر فعلاً ؟
لامات حلمك وإنت واقف
تشاهد !
أحلامنا ..... أطفال : ليش أقتلوهم ؟
بإي ذنب ٍ ِيؤد الحلم : يُقتل ؟
ماهم بـ / ناس اللي
يمصون دمّك !
هذي جثث تمشي وهي تحمل
الفاس !