اقتباس:
المشاركة الأصلية كتبت بواسطة ايمَــان حجازي
انا مين
مش عارفه
ومش محتاجه انى ادور
بعد الثلاثين مابقتش اهتم
وبحب استمتع بالتفاصيل
فنجان قهوة بالفجريه
مع صوت عصافير
واحب اتمشى بعد الفجر
ساعات افرح
ساعات احزن
وديما انام
عشان اهرب
ومفيش فاصل
مفيش اجازات
ماهو كلو روتين
التزامات
وبشوف اوقات
ان انا نسخة بتتعاد لامى
لما اقرأ كتاب
ومعاه فنجان الشاي العصر
أولما أزور أولاد خالتى
وألاقى كلامها بيتكرر
ف دماغى كتير
كلها تفاصيل
بتعدى ساعات
وف قلبى سكات
وعياط وحنين
وبلف ف نفس
الدايرة سنين
واسمع اصوات
وبشوف خيالات
لناس عايشين
وناس ماتت بقالهاسنين
وبصوت اموات
تفاصيل بتفوت
لكلام وسكوت
تفاصيل الدنيا متشبهنيش
طب قولى يا بابا وكدبهم
هوا انت هناك ولا انت معايا
مبتسبنيش
وبدون تفاصيل
اوجاع متشافه
للبنى ادميين
الليل بيفوت
قطر مهدى
وحاجات مش
دايما بتعدى
بعد التلاتين
ايه فرق امبارح من بكره
دى عقارب بتلف وذكرى
والعمر يعدى ف ساعة ايد
كلها حكايات وبتتعاد
بالملى تمام مع ناس تانيين
وانا كل ما اقول
هتعدى خلاص الاقيها تطول
محاولتش مرة اعدى حدود
معرفتش ان الناس بايعين
خلاص العمر بيعدى
سامحنى فهمى
على قدى
انا اطلع مين
كلنا كربون
وبنتكرر
للبنى ادميين |
إيمان
صباحك الورد
قرأتها بصوتي مراراً
وفي كل قراءة أبحرت إلى عالم سحر مختلف
أنت أكثر من رائعة
تستطيعين لملمة التفاصيل تحت خيمة وارفة الظل والإبداع
تصفيق حتى يطرب النيل
مع شهد محبتي وتسنيم تحياتي
ح س ن ز ك ر ي ا ا ل ي و س ف