[ناصر حطاب الدهمشي]

السلام عليكم جميعاً



(( التشاااااااااااااااااااؤم والغراب ))






[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
السما لا ماتزعزع غفوته صيحة سحاب=والنجوم اللي تهاوت ريـّـحت متن السما
والسؤال اللي خذلكن يا متاهات الجواب=عزي قدرك عن جداله وإركدي لامن زما
يا المتاهات الحقيقة لو قرت كف الغياب!=كان جابهتي عزيزة و إرتفعتي عن طما
كم زرعنا هالأماني يطهر فروع الشعاب؟=كم جنينا الموت مرة يعظم عروق الدما !
كم دفنت الحب وسطك يا تعابير الخطاب؟!=كم قهرت حشود طاحت في قصيد الطلسما..! ؟
وكم سهرت بليل موحش تبترم فيه الذياب=حول ( بنت ٍ ) ساهرتني 00 عشت لرضاها حما ..!
ليه يامجد الانوثة تـفـرح بصوت الصواب!=ليه ترميني بغبينة ... تهدي أشواقي ظما
ليه ياحوا مضيتي وبالسما غيم إقتراب؟=وإلّا قلبك ذا طموحه يوم حبك بي نما..!!
جاهلتني .. وش يفيدك لا سعيتي بالخراب!=و إنتي قلبك لا تضايق شد يمي و إرتما ..!
ياعسى كل الخطايا تِنقش بكفك خضاب=وكل وجه ٍ ماحشمني يصبح بطرفٍ عما
الغلا يا جاهلتني ( أجرم ) بروحي وتاب=وكل ليلة يطلب الله ينزل بسمعك صما
إتركيني دام ساقي مالهث خلف السراب=وإسمعي شعرٍ تزاحم بين فكي والجما
التشاؤم إسطوانة000 طاحت براس الغراب=و الأكيد إنه غراب و عن مفاهيمك سما
جاهلتني اعذريني 000 لا شربتيني عذاب=وإن سألتيني تحاشي قولة.. إشلون.. ولما
صاحبك من راس بيتٍ تخضع لسوره رقاب=بندقه موت ٍ يصافح صيدته لامن رما
السما لا ماتزعزع غفوته صيحة سحاب=والنجوم اللي تهاوت ريـّـحت متن السما[/poem]

هنا أنتهي .. وأنا اطبطب على كتفيّ ثورتي المسالمة

وسلامة قلوبكم

أخوكم

ناصر حطاب الدهمشي