عبث
عبث
عبث
جيت ارسم اسوار المدينه في زمان حسين
بقايا من ملامح ورث جدانك وجداني
تعبت ارسم متاهات السنين بدفتر التمرين
وعجزت انفض مساحات الغبار بدقة الواني
فرضت اقرب خرافات اليقين بذمة التخمين
وعرضت ابعد حدود المستحيل بعين وجداني
هنا كان المكان اجمل وارق من المكان الحين
هنا كان الجمال اطلال هانت والزمن فاني
هنا كان القطار اكبر معالم عظمة التكوين
وهناك آيه من الذكر الحكيم برسم عثماني
هنا ماضي حضارات بدوي تعكس شموخ سنين
ثقافة بدو يحكمها ضمير العرف والعاني
وهنا... آه وهنا.... آه وهنا ........آآآآآآآهين
وهنا ياهي هنا عيت تروح ولاتعداني
طريق الجامعات اللي لغير المسلمين يمين
وانا ماني يهودي وانت مسملم مانت نصراني
غفا وجه الحقيقه ونقسم وجه الزمن وجهين
وصحا وجه السواد .. وسود الله وجهت الثاني
ويمر الليل شاعر.. والمدينه كلها غاوين
وانا اكتب للشوارع عن شتات العمر واحزاني
وانا ماهو خطاي اني فقدت بعالم الصاحين
ولكن الخطأ كله من اللي جاء وصحاني
🍂🎼