[سالم الجهني]

لا أعلم كيف أتتْ مبتوره فـ عذراً لكم


وإليْكم

[POEM="font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]


على مهلي وليلٍ توْ بدا يجلي =وانا اصلي وأقرا سورة التوبه


أرتلها بجهر الصوت وتشفع لي =طمأنينة صدر فيني ومسكوبه


بطهري مع خشوعي سجده من وصلي =مع الباري وحالي دوب يا دوبه


تهذبني صلاتي بروحي تسكب لي =سكينة قلب وراحة بال وعذوبه


وفجأه / صوت شيطاني يوسوس لي =عن الصوره وعصفوره ومحبوبه


عن شعور الخطا والصح يوشوش لي =عن الماضي / عن الحاضر ومكتوبه


يوشوش لي يزيد يشوّش بجهلي =وانا سجادتي تصرخ ومعطوبه


اتابع له ويغويني / يزيّن لي =ألاعيبه ويغسل فيني ذنوبه


يهيألي وهم فرحه ويصنع لي =من الحزن الحقيقي روح ومغلوبه


أنادي له / ظميري يصحى ينده لي =وكل ما جيت أرد / يردني صوبه


وعصفوره في خلوة روحي تكشف لي =تفاصيل السهو في سجدتي نوبه


واعيد الطهر وأتوضأ / على مهلي =وأطمأن صدري وأقرا سورة التوبه
[/POEM]