[خالد صالح الحربي]

:

وآتهدّم /
كنّي اللي ما بقى بعروق دَمّه : دَمْ !
ناحلٍ / يكفي لضيق الكون كلّه : يستحلّه !
ما بقي له غير سلمى
والجفاف اللي يجغرف كُل هالما !
انحشر في ثوبه البالي ، وضمّ أصابيعه لـْ.. بعْض ،
_________ راميٍ حمله على كتفهْ ، واغنياته لون داكن !
دربه المظلم يأرّخ به هالسما ، و تطيح أرض ..
_________ مثلما طاحت أمانيه وْ .. مثلما ما قبل : لكن !
يوصل المقهى ويلقى وحدته ،
.. .مع ضيق خلقه ،
بـ... إنتظاره !
فتّش جيوبه وْ حَصَّلْ لِهْ [ سيجاره] !
شَبّها بالماء..
وأعلن
ا
ح
ت
ض
ا
ر
ه