:
" احس الشعر يستنطق شعوري في مدى هالليل
يدمر ألف بحر وبحر ويبني للشعور جسور "
:
يجوز البحر ماجيده وبحره كم غمرني ويل
اباستعذب مواويله ولو زادت علي الجور
:
اذا استجدي اوصاله أحبه من زمان قبيّل
إذا ما جاء على باله يتذكرّ من كتبت سطور
:
احبه كيف مااحبه وصدري كم ذبحني حيل
يتنهد على غيابه ويستبشر على الحضور
:
الملم بعضي وطيني وحبه في فؤادي سيل
يبعثر كل ما فيني وترجف هالضلوع سرور
:
باشعل هالسهر مصباح وباشيله فـ الحنايا شيل
وباغني يا عسى أرتاح حبيبي للقصايد نور
..