مريم
مريم.. وتضحك يرقّ الماء ويصفا لي زماني
........................... والمكان يطيب .. والرمـان يتكدس هنيّا
قلت: رحلتنا تبي سكر .. وترنيمة أغاني
........................... جاوبت: هات الأغــاني واترك السكر عليّا
من شفايفها .. صباح الخير شكل وطعم ثاني
........................... آآآه .. لو تدري وش تسوي صباح الخير فيّا
تاخذ الما من يديه توصله شط الأماني
........................... واهـنـييّ كـلمّا مـريـم خذتـني من يـديّا
أذكر أول ماتلاقيــنا.. تسمـرت بمكاني
........................... حاولت عيني تشوف الدرب.. مير القلب عيّا
الحلا فيها من أقصاها ولا للزين داني
........................... كل ما فيها خلقه الله من طلعة محيّا
كلما عزّ الطلب عندي وقالت لي: عشاني
........................... قلت: من هذي قبل هذي .. وجابتني حميّا
قبلها.. ما طاعت أقدامي طريق إلاّ عصاني
........................... بعدها.. ما ظل حلم أخضر بصدري ما تهيّا
لـ العملاق فهد عافت