بعد طول الغياب .. اقبل
بعد ما.... الورد
من صبره بدا.. يذبل
حضن ارض العطش رحمة
وداس ترابها ...!
وقبــّــل...!
حواها من غزير الشوق
ولهفه مالها اسباب
سوى ان السما والأرض
كانو من قديم.. احباب
ومن لهفة للقى اثنين
ــ لعب طفل (وبكي مرزاب)
الا يارهبة الأمطار
وريحة عطرك الفخــّــار
سرقتي الوقت من وقتي
وسجنتي الصمت في صمتي
وأطلقتِ العيون أشعــار
الا يارهبة الأمطار
غمرتيني
غسلتيني
وتكرمتي وشربتيني
ومحيتي من ورق أحبار
ولكن في شرايني
سكبتيني
وزدتي فوق ناري نار
وأنا أللي رافع الكفين
أهليبكــــ..
ويغنيبكـــ..جبيني تحت
مدرارك
على إيقاع فرحي بك
وتعذيبكـ
رعدتيني بماضي يشبه أسفاركــ
وصلتي وما وصل غايب
رضيت أحيا مع طيفه
وأعيش بجيتك
شايب
ذبل وردي...
وأنا الغرقان... مدرارك*
بعد طولت غيابك جيت.
تمطرني....ولا أمطر...!
سقيت الكل من حولي
وعطشت وخافقي.يسأل.!
رحل تاركلي أوجاعه*
بدون أسباب...
وقبل يرحل ...
توقف عقرب الساعة
ولوني صار من لونك
وكل شي حولنا يضحك
إلى خافقي ..
ومرزاب..
*
سليمان