السلام عليكم
جديدي بين أيديكم، وأعتذر مقدما على سوء التنسيق .. فقد حاولت مرارا لذلك
يا صــاحبي: لا تغرك ضحكتي، والصواب
ماهي بضحكة سعادة ،، بس ضحكة تعب
من خــلــي اللي يغيب ولا يعرف الغيـــاب
أشد في خـافــقـي مـن وقـع سـيفٍ حـدب
غــروٍ ليا ذوّبـت شـمـسـه ظـلام الحـجـاب
تشرق ،، وعقد الكواكـب حولهـا من ذهـب
يلعب مع الريح، ويـنـاديه صــوت الســراب
ويـصـدقــه ،، لـو ثــمـانـيـن الف مرة كـذب
ينثر جـديـلـه ، نـسـيـم الصبح من كـل باب
يـعـزف عـلى كـل خـصلـة تـرتمـي لـه طـرب
في خـده الـورد ، والتـوت بـشـفـايـفـه ذاب
وعيــونــه الـذابــلــة مـا بــيـن جفـن وهـدب
مـن ضحكته، تضحك جبال القَرى والهضاب
والخـوخ يـرقـص بـكـفّـه، والكــرز والعــنــب
تحضنه شمس الشـتـا، لا اقبل وبـرده عـذاب
حتى الشجـر يكسـر غصونه وسـاقـه حـطــب
رهـيّـف القـلــب ،، حتى مـن ظــلالـــه يــهـاب
حنـيّن ،، ويـذرف الـدمـعــة مـن ادنى ســبــب
لا تخـدعـك سـطـوتـه بـيـن اصـدقـاه القــراب
تــرى خـفـوقـه رقيق ،، ولــو تــشـوفـه صــعب
شـقــاوتــه ,, شـيّـبــت راسـي لـو اني شــبــاب
ومـيـاعــتـه ,, فـشـلتـنـي بــيــن روس العــــرب
كـنــت آتـبـشـر بــشـوفــه ،، والـعـن الاكــتـئـاب
واطـفي بدجلـة شفاتـه ،، نــار ضـيــق وغـضب
إلـيـن مـا صـد ،، واثـــقــل كــاهــلـي بـالعــتـاب
تــزيـدني كـل خــطــوة في رحــيــلـــه عـــتــب
وانـا عـلى كــثـر مــا شـقــيــت بــحـــر وعبــاب
ودروب مــن نـــار ،، وتـنـفست فـــــوح ولهـــب
و على كـثـر مــا كــسر سيــفـي جمــود الجـراب
وانـــســـلّْ فــي كــل وقــعــة دمـــهـــا للــركـــب
وانـــا ولا شــعــرةٍ بـي ،، حــركــتـهـا الـصـعــاب
ولا هــزني دكّْ حـــــرب وضــرب رمــح وخــبــب
مــا هــــزني غـيـــر هــجــرانـــه ،، ورب الكتـــاب
اللي ليـا مـــن تـغـالب مـــــع عـــــزومي ،، غــلـب
مــن يـــوم مــا شــال ذكــرانـــا وســـاق الركــاب
مــا عـــاد عـنـد المـدامـــع ،، هــيـــبــةٍ للشــنـب
مــا طاب جرحي // ولو قلبي من الحب // طـاب
ولا جـــفّْ حزني // ولــو دمـع المحاجـر نضب
مـــا يـجـبـر القلب، لـــو حـالي مـــن البعد شـــاب
إلا لـيـا مـــن ذكــرت انـــه قــــدر ،، وانـــكــتــــب