حديث نفس وشوق وردات اعتبار ؟
وذكرى وجرح وحلم وخيبات الامل ..
وسنين راحت لين مل الانتظار ..
وانا انا نفس المشاعر و المحل
احساس فيني من يمين ومن يسار
جزئين متناصف .. مزيجه من زعل
احياناً الضحكه على هيئة قرار
و احياناً المبداء "يغيّرهْ الفشل"
لا تنصدم لا شفتني مني اغار
اوقات حب الذات نوع ٰمن الملل !!
مرات اقول ان المشاعر أختيار ..
و مرات ما لوم المولع لا نحل !!!
ساعات اشوف ان الهزيمه انتصار !!
وساعات اشوفه من نقيض ومن جهل
لو تنجبر واصل وحدد لك مسار !!
إليا كليت ٰمن البصل اشبع بصل ..
لو بعتذر !! ادري مافاد الاعتذار ..
امزح معه واثره على الكلمه صمل !!
#بداح_الشويب