اعتذر عن انقطاعي واضع بين ايديكم هذا النص :
يابنت قبل المعاتب والزعل هدي
اللي بقلبي* .. يقوله دايم لساني
والعلم خوذيه دامي واصلٍ حدي
مايرتفع شان منهو حطّ من شاني
ماغلطت بالحب؛ شيٍ ماهو بيّدي
شريتك وبعت لأجلك كل خلاني
الغلطة ادمح لك الزلات واعدي
واجيك مجني علي واعود الجاني
والغلطة الوقت يوم إنه وقف ضدي
وقفتي بْصفه .. وظلّيت وحداني
يامجرّبة صدق وصلي؛ جربي صدي
لاقلت من غيرّ المّح "عِفت" بلساني
ولاقلت منتي غلا قلبي ولا ودي
وش عاد لو ريح حبك تنكر أغصاني
مدّيت من طيب ماذكر قلت لك مدي
َماشحت ايديّ معك وجاد وجداني
وانتي نويتي تبيح طعنتك سدي
واحلامك أصبح شماتة قاصي وداني
يابنت ثوب المهونة ماهو بـ قدي
ساترني الصبر بس الغيض عرّاني
ياكبرها طيّبٍ .. واحبّ متردّي
اشريه بأغلى ثمن وانباع مجاني
شوفي من الطيش ناديتك خلف جدي
وابدع بالاشعار في طاريك شيطاني
من بالهوى ندي .. ومن بالشعر ندي
اول بـ الاثنين .. مايزهاني الثاني
روحي ترا الدم فار وما اقدر اهدي
روحٍ غضبها يشابه كبر حرماني
وابكي وانا الدمع ماله درب في خدي
معزة النفس هذي ورث جداني