الغلا ميراث قلب ومانبي نقتسمه
 

أهديكم
هذا النص المتواضع
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ليلتي هذي غنيّه بالغرام ودسمه=جَمَّعَتْنِي فيك ياعز البشر واغلاها
دمع مزن،وعينك النجلا،وضحكة نسمه=وقلب يكتب لك قصيده مُقْلِتَك تقراها
مرحبا يَامِنْ على خدَّينها مرتسمه=حمرة ورود الخجل باحلى الصوّر وابهاها
يامساالخيرات ياتفاحتين ابْـ(رَسْمَه=فوق لوحة صدرك اللي تهت في صحراها
وسديني متعب الكتفين ضيّعت اسمه=هو شعر،وِلاَّ خيوط الشمس ذا منشاها
أرض حبك يَامِزَعِلْة النسا،منوسمه=لفّها ثوب المزون الضافي وغطّاها
لين وجهك يالثرى العاري تغطى جسمه=من بساتين الربيع وذوها يرعاها
يالله ابتسمي عسى روحي فداذا البسمه=يا هنوفٍ ينسكب شهد النحل بشفاها
الورود اليانعه في شِفْتِك مبتسمه=بَلّها قطر الندى من مَنْهَلِكْ واسقاهـا
كان مااصبحتي بخت عمر/ونصيب وقسمه=والله انيّ لاَ انْحَر اعروق الغلا برضاها
والغلا ميراث قلب ومانبي نقتسمه=وانتي الثروه من ادنى الروح لين اقصاها
والمسائل كلها الليله معك منحسمه=ياعنودٍ لو يطوّل بُعْدَهاَ ماانساها
استريحي في سويدا القلب مثل البصمه=أنتي اول سالفة عمر الهوى واتلاها[/POEM]
عبدالله سماح المجلاد

هلا وغلا بالحبيب والهاديء
وملك الهدوء
عبدالله المانع
وإن كن سعدت بقراءة هذا النص
فكن على ثقه أن شاعره
هو أسعد الناس بك
ياصاحبي العزيز

الأستذة

عبدالله سماح المجلاد

إسم جميل في ساحة الشعر ..


هذا النص فاكهة شعرية جـُـمعت بسلة فكر فاخرة.

هنـــا شعر



لك التحيّة

أخوك
0
0
0

ناصر حطاب الدهمشي

يكفي هذا النص
تناثر الدرر من لفظ الراقي
عبدالعزيز الرشيد
شهادتك وسام
وذائقتك أطمح أن أضي منها ولو بالقدر اليسير
لأن أصحاب الذائقه الرفيعه كشخصك هم روح الشعر الحيّه
لاغرابه أن يصدر النور من هنا
فهنا عبدالعزيز الرشيد