.
.
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
قِفَا نسترجع الذكرى قِفَا نبك ِ على الاطلال=قِفَا نستوعب الموقف اذا الناقوس يسمح لي(1)
أدقّه في عصر كِندي على هالعولمه إجلال=واذا هُبّي بصحنك جِدّ كذا كلثوم يدمح لي(2)
واذا طرفه وقفها صحّ اباقفها على المنوال=وأخلّيها كباقي الشي اذا لاحت على رحلي(3)
كذا أرحل على منوال " أمَنْ اوفى " زُهير أغلال=واوفّيها على كيفي عسل إنتاج من نحلي(4)
ولُبيد يقول عَفَتْ هالارض محل مرَاحَها ازوال=وانا عيني عَفَتْ نومي سهرها صار يِمدح لي(5)
واذا هي عنتره فعلاً بغادرها بلا أهوال=عرفت الدّار متوهّم واحس الكون يفتح لي(6)
وابفتحها على الحارث اذا الثاوي يغثّ الحال=إذاً وش عاد باقي لي اذا هالحظّ يِسدح لي ؟(7)
واذا الأعشى يوقّف حيل يوادعها على ماقال=انا من وين اجيب الحيل وهمّ الموت يجمح لي ؟(8)
واذا هالنابغه هرّج ديار بسالف الأفعال=انا هرّجت اشياءك بكل انصات تشرح لي(9)
والابرص يوم فنّدها على اقفر كذا إقفال=كذا ارضي بدت جدبا بعد ماكنت تسبح لي(10)
وعصر الشعر علّقهن على صدره بدون جدال=ونثّرهن زمن غابر على هقوات : أرجح لي
ولجلك انت اجمّعهن واعلّقهن على إسبال=وافبركهن عشانك انت وواثق فيك تفرح لي
ورب الكون لعيونك جِمَعْت مْعلقات طوال=واباقف في اماكنهم واشوف القاف يطمح لي
واباقف وقفة العشره واذوّب شمع للتمثال=واصبّك داخل ارجائي واذا من زود اطرح لي
واحط شموع من حولك و اولّعها بدون إشعال=من الانفاس اشعلها بجذوة شوق اصبح لي
وصباح الخير ياشمعه تِشَكّل حولها أشكال=يذوب الشمع ويكتب لك : كذا إحراق اريح لي
واحط شموع ف يدينك وانا عيني على السَلسال=يهزّه ضوء شمعاتك يقول : الموت يمزح لي
وذكرت الموت فعيونك اشوفه وانطّحه إقبال=واذا سلهمت تحميني يصير الموت ابيح لي
كذا مبيوح في قتلي وكم مِنْ عَاشق ٍ يُغتال=إبانَ الحَربَ إقبَالاً .. وإنْ أدبَرْ عَلى وَحْل ِ
وانا من جدّ مااستوعب سوى إقبال للمنزال=احطّ القلب في رحلك وهالشريان ينضح لي
كذا التفسير ياخذها على تابوت من صلصال=وتابوتي مع الإكليل يرد الروح اربح لي
واذا ربحي على حبّك ورب الكون فيّ هبال=تعال اقرا عليّه ثمّ بوس ايديك وامسح لي
احسّك يوم تمسحني مسحة فال تقفى عقال=اذا قلّطت انا سمّيت واشوفك دوم تذبح لي
واباقفها على حيلي واقول البِعد يذبح فال=وارددها بااعلى صوت : غيري فيك يجرح لي
لأني صرت شي(ن) منك وانته صرت راس المال=ابك الا حياتي انت وكلّك صار يصلح لي
لأني فاهم اسلوبك وترفع " حقّ فيتو " شال=واذا منّك بغيت الشي تقوله مزح وترزح لي
احبّك يوم تعشقني تجيني فشخرة رجال=واذا غيرك ورب الكون بدون الحب افلح لي
وببقى دوم مجنونك " وهيلا هُوبّ " قفز أطفال=وكلّه منك ياقلبي ولعب الجِدّ يمرح لي
وانا أمرح مع الشعّار ويتبعهم كثير أجيال=وانا تابع لابن كلثوم وعرق الجَدّ يشطح لي
وذولا العشره الغاوون وزود القاف فيه هبال=وانا الحادي عشر معهم واذا انجنّيت اسمح لي[/poem].
.
.
.
الهامش :
1ـ أمرؤ القيس الكِندي .. مطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قِفا نبكِ من ذكرى حبيب ومنزل ِ=بسقط اللوى بين الدخول فحومل ِ[/poem]2ـ عمرو بن كلثوم التغلبي .. مطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الا هُبّي بصحنكِ فاصبحينا=ولاتبقي خمور الأندرينا[/poem]3ـ طرفه بن العبد البكري .. ومطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لخولةَ أطلال ببرقة ثهمد ِ=تلوح كباقي الوشم في ظاهر اليد ِ[/poem]4ـ زهير بن أبي سُلمى .. ومطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمَنْ أم أوفى دمنة لم تكلم ِ=بحومانة الدرّاج ِ فالمتثلّم ِ[/poem]5ـ لبيد بن ربيعة ( رضي الله عنه ) .. ومطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عَفَت ِ الديار محلّها فمُقامها=بمنىً تأبّد غولها فرِجامُها[/poem]
6ـ عنترة بن شداد العبسي .. ومطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هل غادر الشعراء من متردّم ِ=أم هل عرفت الدار بعد توهُّم ِ[/poem]7ـ الحارث بن حلزة اليشكري .. ومطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
آذنتنا ببينها أسماءُ=رُبّ ثاوٍ يمل منه الثواءُ[/poem]8ـ الأعشى ميمون .. ومطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ودّع هريرة ان الركب مرتحلُ=وهل تطيقُ وداعاً أيها الرجلُ [/poem]9ـ النابغة الذبياني .. ومطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يادار ميّة بالعلياء فالسند ِ=أقوَت وطال عليها سالفُ الأبد ِ[/poem]
10ـ عبيد بن الأبرص .. ومطلع معلقته :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أقفر من أهله ملحُوبُ=فالقُطبيّاتُ فالذنوبُ[/poem]
.
.
.
.
احتراماتي