|
مصافحة اولى لقلوبكم
اهدي هذه القصيده الي صديقتي مها التي طلقها زوجها بعد مده لم تتجاوز الست اشهر حتى قبل ان تضع مولودتها مأساه مابعدها مأساه تذكرّتك وانا في عالم النسيان ........................ بعد موت اليقين بخنجر الريبه تذكرّتك واحس اني لحد الآن .................... اشوفك شي واقع صعب تكذيبه تعال اعاتبك . ومعاتب الخلاّن ..................... الذ من الرجا . واقبح من الخيبه حبيبي ليه تتركني مع الأحزان ............... تجاهل وش مصيري وانت تدري به ! اذا قلبك قدر يجزيني النكران ............... ظناك اللي بحشايه ويش اسوي به ؟ حرمته من حنانك والسبب وش كان ! ..................... كلام الناس !! لا ياعيبة العيبه !! حبيبي والجفا والبعد والهجران ................. مصيبه والله ان مابعدها مصيبه وانا مثل الرياض ليا ابتعد ( سلمان ) .................. تذوب من النوى لا طوّل الغيبه حبيبي الحق الباقي من الوجدان ................ قبل هاالشوق تذبحني مخاليبه ثلاث شهور وانت بلا سبب زعلان ............ ثلاث شهور واسمك بس اهذري به تعبت آكون ( أنثى ) مالها ربّان ............. ضحيّة للحسد , والحقد , والغِيبه تُرى كم ساءَ بي ظن وحكابي لسان ................ بعد ماكان لي من هيبتك هيبه وانا أنثى واعاني لوعة الحرمان .......... واذا لي عيب واحد ... عيبي الطيبه اختكم حرير نور خالد |
وانا أنثى واعاني لوعة الحرمان
.......... واذا لي عيب واحد ... عيبي الطيبه نور خالد ربّي يكون بعون مها وجزاج الله الف خير على هذي الطيبه لاهنتي وصح لساانج |
تعبت آكون ( أنثى ) مالها ربّان
............. ضحيّة للحسد , والحقد , والغِيبه حرير " " نص رائع كروعه حضورك دمتي مبدعه لك اجمل الود |
وانا مثل الرياض ليا ابتعد ( سلمان )
.................. تذوب من النوى لا طوّل الغيبه نور على نور // لذا انا هنا // كوني بخير |
تُرى كم ساءَ بي ظن وحكابي لسان
................ بعد ماكان لي من هيبتك هيبه يا سلاااااااااام والله بيت عن قصيده .. لله درك .. لله درك .. لله درك .. نص حــريــر .... كصاحبته .. صح لسانك يا نور .. وشكرا لك |
حبيبي والجفا والبعد والهجران
................. مصيبه والله ان مابعدها مصيبه جميل اختي قصيده كل مافيها رااااائع جاءت كالمطر دمت ودام ابداعك تقبلي اجمل تحيه اخوك طلال العنزي |
حرير
صح بوحك وقلبك اختك احلام |
اذا قلبك قدر يجزيني النكران ............... ظناك اللي بحشايه ويش اسوي به ؟ حرمته من حنانك والسبب وش كان ! ..................... كلام الناس !! لا ياعيبة العيبه !! ....... وانا مثل الرياض ليا ابتعد ( سلمان ) .................. تذوب من النوى لا طوّل الغيبه الشاعرة نور خالد صح قلبك وصح بوحك قصيدة رائعة بكل ماتحمله من معنى ولله درك من شاعره واسئل الله ان يؤلف قلوبهم ويعودوا لبعضهم البعض ودمتي بسمو الاحاسيس متعب المضعان |
| الساعة الآن 02:32 AM |
Powered by vBulletin® Copyright ©2000 - 2024, Jelsoft Enterprises Ltd.