|
[ ليتني فيه اكتفيت ]
. . كن الشعور بداخلي جسرٍ عبرته وانتهيت واصبحت ألملم في خفوقي صوت ودموع وأسف ! لاني فهمت ان الوداع احساس ف الواقع مميت ! ارخيت كفي .. وانتهى كتف الموادع يرتجف ! واشرعت صمتي وابتدى صوت المشاعر يستميت لاجل التفاصيل القديمة .. بالمشاعر تعترف ! ماكان للذكرى سوى .. عمرٍ بنيته بيت بيت والشوق في غفلة شعوري بان حزنه وانجرف ! احلامه اللي من ثلاث سنين ف المنفى تبيت والغربة تعاند شعوره ليين هالحزن اعتكف ! ضاع بغياهب هالظلام .. وعانده عذرٍ مقيت ! حتى استوى معنى الحياة وغاب فيه اجمل شغف ! كان الامل باب وسيع ... وليتني فيه اكتفيت قبل يتبيّن هالشتات اللي مع الضيق انكشف ! طفل الاماني ماكبر .. توه صغير ولو جفيت يضحك وينسى عبرةٍ كانت بعمره تستخف ! كان العمر اقفى بنا والشوق تطويه ألف ( ليت ) ماتختفي عين الحقايق لو تكحلها الصحف ! . . |
لا أعلم
انما ينتابني شعور يصل مرتبة اليقين أن حواء عندما تصف الشعور في قصيدة تخلص لذلك الداعي حد التشظي والفناء ، ويزروني (المُخيل) يرسم عراك الشعور وبراءة الورقة ، الاشتباك الذي نجده بين صدر البيت وعجزه لمحة دالة تصف الحالة الشعورية العاتية . يقال المرء يقتل حزنه بالإفصاح عنه ، وأقول الشاعر يخلده حين البوح به . مشرقة يا عهد بالنور وبالأمل. طبت . |
كان الامل باب وسيع ... وليتني فيه اكتفيت ___ قبل يتبيّن هالشتات اللي مع الضيق انكشف ! طفل الاماني ماكبر .. توه صغير ولو جفيت ___ يضحك وينسى عبرةٍ كانت بعمره تستخف ! ________ النور / نورة القحطاني وهذه الطفلة المختبئة خلف صدر الشِعر ، وعجزه القوّي ، لاتكبر .. ربما تكبر خارج القصيدة ، وماأن تبدأ ألِف باء الشعر تعود طفلة تختبئ من كل شعور موجع داخل زوايا البيت الشعري وتستند على القافية ، وتجيد الرسم على جدران الموسيقى .. وتنام على شاطئ بحر الشِعر آمنة مطمئنة .. شكراً لانكِ نوره ، نور الشعر ولأنكِ شاعرة لاتشبه البقيه .. للنص روح وهذا ماأتحدث عنه الآن شكراً لكِ |
اقتباس:
الله وأنا أكتفيت بالبيتين هذي نوره يا نوره وش أقول عن هالأحساس والوصف والشعور لكن الله عليييك ! |
القصيدة أنثى
وهذا البوح أنثوي ضجت من خلاله مشاعر جياشة طافحة صادقة حييت يا نورة |
كن الشعور بداخلي جسرٍ عبرته وانتهيت
واصبحت ألملم في خفوقي صوت ودموع وأسف ! مطلع جميل سلمتِ |
طفل الاماني ماكبر .. توه صغير ولو جفيت يضحك وينسى عبرةٍ كانت بعمره تستخف ! كان العمر اقفى بنا والشوق تطويه ألف ( ليت ) ماتختفي عين الحقايق لو تكحلها الصحف ! و نورة دايما غير، ما شاء الله، غصن الأماني لو بدا ذابل ، ترى فصل المبيت أحيان ذا طبع النخيل لا يغرك ذبول السعف :) بوركت و طاب مسعاك دمت بخير و عافية الغالية النون |
الله الله الله😍يا لعذوبتها !
نسائم الصباح وقافكِ العذب آسر❤️ شكراً لهذا الجمال المتجدد🙏 |
| الساعة الآن 12:30 PM |
Powered by vBulletin® Copyright ©2000 - 2024, Jelsoft Enterprises Ltd.